केही मानिसहरु अरुका कुनै सामान देख्दैमा लोभ मान्ने गर्दछन् । यदी मागेर पाइने जस्तो छ भने माग्न पनि पछि पर्दैनन् । तर वैज्ञानिक तथा वास्तुअनुसार केही त्यस्ता चीजहरु छन्, जो अरुको प्रयोग गर्नुहुँदैन ।
घडी
वास्तुका अनुसार घडीको सम्बन्ध सकारात्मक तथा नकारात्मक ऊर्जासँग जोडिएर देखिने गर्दछ । घडीको सम्बन्ध हरेक राम्रो नराम्रो समयसँग सम्बन्धित हुन्छ त्यसैले अरुको घडी प्रयोग गर्नुहुँदैन ।
यसले तपाईंको पनि नराम्रो समय शुरु हुन सक्छ भन्ने मान्यता छ । साथमा यो दैनिक रुपमा प्रयोग गरिने वस्तु भएकाले पनि शरीरसँग जोडिने भएकाले वैज्ञानिक रुपले पनि अरुको घडी लगाउनु राम्रो हुँदैन ।
औंठी
वास्तुशास्त्र अनुसार कहिल्यै पनि अरुको औंठी लगाउनुहुँदैन । यस्तो गर्नु पनि अशुभ मानिन्छ । ज्योतिषका अनुसार यदी तपाईंले अरु कसैको औंठी लगाउनुहुन्छ भने यसले स्वास्थ्य तथा आर्थिक दुवै अवस्थालाई हानी पुर्याउन सक्छ ।
पर्स
ज्योतिष शास्त्रअनुसार अन्य व्यक्तिको पर्स पनि लिनु राम्रो मानिँदैन । किनकी वैज्ञानिक रुपले पनि पर्स दैनिक साथमा राख्ने कुरा भएकाले यसबाट स्वास्थ्यमा पनि नराम्रो असर पर्न सक्छ । साथमा पर्स अरुको आर्थिक कुरासँग जोडिएको हुनाले यसको नकारात्मक असर तपाईंमा पनि सर्न सक्छ ।
